2025 ОНЫ 08 САРЫН 10, НЯМ ГАРИГ


Шинэ мэдээ

2025/08/08

ҮНИЙН САНАЛ АВАХ ТУХАЙ

ОЙН ТУХАЙ ХУУЛИЙН ШИНЭЧИЛСЭН НАЙРУУЛГЫН ТӨСЛИЙН ТАНИЛЦУУЛГА УУЛЗАЛТ ЗОХИОН БАЙГУУЛЛАА Байгаль орчин, уур амьсгалын өөрчлөлтийн яам салбарын хууль эрх зүйн орчны шинэчлэл хийхээр ажиллаж байна. Энэ хүрээнд өнөөдөр /2025.08.05/ Ойн тухай хуулийн шинэчилсэн найруулгын төслийн танилцуулга уулзалт зохион байгууллаа. Уулзалтад БОУАӨ-ийн сайд Б.Батбаатар болон хуулийн төсөл боловсруулах ажлын хэсгийн гишүүд оролцлоо. Одоо хүчин төгөлдөр үйлчилж байгаа Ойн тухай хууль нь 2012 онд батлагдсан, нийт 7 бүлэг, 47 зүйлээс бүрдсэн хууль юм. Өнгөрсөн 13 жилийн хугацаанд тус хуульд нэмэлт, өөрчлөлт оруулах тухай 13 хууль батлагдсан бөгөөд тэдгээрийн хүрээнд 129 заалтад давхардсан тоогоор 159 удаа нэмэлт, өөрчлөлт орсон байна. Энэ хууль 471 заалттай хууль тул тус хуулийн заалтын 32.6 хувьд нэмэлт, өөрчлөлт орсон байдаг байна. Гэвч одоо хүчин төгөлдөр үйлчилж байгаа Ойн хууль нь ойн салбарын эдийн засгийн үр ашгийг нэмэгдүүлэх, ойг хамгаалах, зохистой ашиглах, нөхөн сэргээхэд чиглэсэн ойн тогтвортой менежментийн бодлогыг урт хугацаанд хэрэгжүүлэх хангалттай эрх зүйн үндсийг бий болгож чадахгүй байгаа юм. Иймээс тус хуулийг шинэчлэн найруулах дараах үндэслэл байна гэж үзжээ. Үүнд: ✅Ойн хууль дахь суурь нэр томьёо, ухагдахуун, зарчмууд нь ой судлалын шинжлэх ухааны болон олон улсын агуулгаас хоцорсон тул тэдгээрийг олон улсын жишиг, үндэсний онцлогт нийцүүлэн шинээр болон шинэчлэн томьёолж, ойн салбарын бодлого, үйл ажиллагааг үндэсний хэрэгцээ шаардлага, олон улсын нийтлэг хандлагад нийцүүлэх; ✅Таримал ойтой холбоотой эрх зүйн суурь зохицуулалтыг бүрэн гүйцэт тогтоох, тухайлбал таримал ойн төр, орон нутгийн өмчлөл, хувийн өмчлөл болон тэдгээрийн хамгаалалт, таримал ойг ойн санд бүртгэх үндэслэл, журмыг шинээр тодорхойлох, энэ үндсэн дээр таримал ойтой холбоотой үүсэж буй газар эзэмшил, ашиглалт, өмчлөлийн холбоотой эрх зүйн асуудлуудыг шийдвэрлэхэд эерэг нөлөө буюу ойн хуулийн үзүүлэх үүрэг ролийг бий болгох; ✅Үндэсний болон олон улсын түвшинд ойгоор бүрхэгдсэн талбайн хэмжээг нэмэгдүүлэх хөгжлийн зорилт тавигдаж, ойд тогтвортой менежмент хэрэгжүүлэх үзэл баримтлалд нэгдсэн. Тухайлбал Монгол Улс Тэрбум мод үндэсний хөдөлгөөнийг хэрэгжүүлж байна. Гэвч тэдгээр зорилт, үзэл баримтлалын талаар үндэсний хэмжээнд нэгдсэн итгэл үнэмшил тогтоохуйц зүйл, заалтууд Ойн тухай хуульд байхгүй; ✅Ойн хуулиар зохицуулах харилцааг уг хуулиар зохицуулахгүй, захиргааны хэм хэмжээ тогтоосон актаар зохицуулж ирсэн нь хууль давсан дүрэм, журам бий болгосон тухай эрх бүхий байгууллагаас албан ёсоор дүгнэж, холбогдох эрх зүй актуудыг хүчингүй болгосон тул эдгээр алдааг залруулж хуульд зохих нэмэлт, өөрчлөлт оруулж найруулга хийх, хууль ба захиргааны хэм хэмжээ тогтоосон актын зохист харьцааг хангах шаардлагатай болсон. Ажлын хэсгээс одоо үйлчилж байгаа хуулийн зүйл, заалтын 80 орчим хувь нь ямар нэгэн хэмжээнд нэмэлт, өөрчлөлт орж байгааг онцолсон юм.
2025/08/05

ОЙН ТУХАЙ ХУУЛИЙН ШИНЭЧИЛСЭН НАЙРУУЛГЫН ТӨСЛИЙН ТАНИЛЦУУЛГА УУЛЗАЛТ ЗОХИОН БАЙГУУЛЛАА

МОНГОЛ-СОЛОНГОСЫН ХАМТАРСАН НОГООН ХЭРЭМ ТӨСЛИЙН 4-Р ШАТНЫ ТӨСЛИЙН ТӨЛӨВЛӨГӨӨ БОЛОВСРУУЛАХ УУЛЗАЛТ ХИЙЛЭЭ ✅Монгол Солонгосын хамтарсан “Ногоон Хэрэм” төсөл нь 2006 оны 5-р сард БНСУ болон Монгол Улсын төрийн тэргүүдийн дээд хэмжээний уулзалтаар Монгол Улсын "Ногоон хэрэм" төслийг дэмжихээр харилцан тохиролцож, улмаар БНСУ-ын Ойн агентлаг болон Монгол Улсын Байгаль орчин, уур амьсгалын өөрчлөлтийн яамтай хамтран харилцан ойлголцлын санамж бичиг байгуулсны үндсэн дээр 2007 оны 3-р сард байгуулагдсан засгийн газруудын хоорондын хамтарсан төсөл хэрэгжүүлэх байгууллага юм. 1. 1-р шатны ажил нь 2007 оноос 2016 он хүртэл 10 жилийн турш, Өмнөговь аймгийн Баянзаг, Даланзадгад болон Төв аймгийн Лүн суманд 3046га газарт цөлжилтийн эсрэг ойжуулалтын ажлыг хэрэгжүүлсэн. 2. 2-р шатны ажил нь 2017 оноос 2021 он хүртэл 5 жилийн турш, Улаанбаатар хотын Дамбадаржаа дахь "Нөхөрлөлийн ой" цэцэрлэгт хүрээлэнгийн 40га газарт хотын ойг бий болгосон. 3. 3-р шатны ажил нь 2022 оноос 5 жилийн турш хэрэгжих ба одоо 4 дэх жилдээ Сэлэнгэ аймаг Бугант доройтсон ойн нөхөн сэргээлт болон ой нөхөн сэргээх суурь дэд бүтцийг бий болгох зорилготой бөгөөд Хөвсгөл, Сэлэнгэ, Өвөрхангай аймгуудад мод үржүүлгийн талбай болон сургалт мэдээллийн төв байгуулах ажил багтаж байна. Монгол-Солонгосын хамтарсан ногоон хэрэм төслийн 4-р шатны төслийн төлөвлөгөө боловсруулах уулзалт хийлээ.
2025/08/04

МОНГОЛ-СОЛОНГОСЫН ХАМТАРСАН НОГООН ХЭРЭМ ТӨСЛИЙН 4-Р ШАТНЫ ТӨСЛИЙН ТӨЛӨВЛӨГӨӨ БОЛОВСРУУЛАХ УУЛЗАЛТ ХИЙЛЭЭ

ОЙН НҮҮРСТӨРӨГЧИЙН ТООЦООЛОЛ ХИЙХ, ОРОН НУТГИЙН МЭРГЭЖИЛТНҮҮДИЙГ ЧАДАВХЖУУЛАХ СУРГАЛТ ЗОХИОН БАЙГУУЛЛАА ✅ЗГХА Ойн газар, Азийн Ойн Хамтын Ажиллагааны Байгууллага (AFoCO), Дэлхийн банкны техникийн дэмжлэгтэйгээр хэрэгжүүлж буй “Mongolia Green Resilient Landscapes” төслийн хүрээнд 2025 оны 7-р сарын 28-наас 8-р сарын 1-ний өдрүүдэд Улаанбаатар хот болон Төв аймгийн Лүн сумын сум дундын ойн анги, Монгол - Солонгосын Ногоон хэрэм төслийн сургалт, судалгааны талбайд “Ойн нүүрстөрөгчийн тооцоолол хийх” сэдвээр 5 өдрийн сургалт зохион байгууллаа. ✅Танхимын сургалтад эхний 2 өдөр БНСУ болон Монгол улсад зохиогдсон өмнөх шатны сургалтад оролцож, сургагч багшаар бэлтгэгдсэн мэргэжилтнүүд “EX-ACT” (Ex-Ante Carbon Balance Tool) хэрэгслийг ашиглах аргачлал, нүүрстөрөгчийн тооцооллын онолын лекцүүдийг оролцогчдод хүргэж, сайн дурын нүүрстөрөгчийн зах зээлийн талаарх мэдээлэл, оролцооны ач холбогдлын талаар танилцууллаа. Уг хэрэгсэл нь байгаль орчинд үзүүлэх нөлөөллийг тооцоолох, төслийн нүүрстөрөгчийн баланс болон бусад нөөцийн өөрчлөлтийг үнэлэхэд ашиглагддаг юм. ✅2025.07.30-08.01-ний өдрүүдэд Төв аймгийн Лүн сумын сум дундын ойн анги болон Ногоон хэрэм төслийн судалгааны талбайд ойн нүүрстөрөгчийн хэмжилтийн практик ажил гүйцэтгэн, газрын дээд болон доод биомассын дээж цуглуулж, дата цуглуулалт, тооцооллын арга техникүүдийг туршиж, туршлага хуримтлуулан ажиллалаа. Сургалтын хээрийн хэмжилт судалгааны ажлыг Монгол Улсын Их Сургууль болон Бүгд Найрамдах Солонгос Улсын Сөүлийн их сургуулийн эрдэмтдийн баг хөтлөн зохион байгууллаа. ✅Архангай, Хөвсгөл, Булган, Сэлэнгэ, Хэнтий, Төв аймгуудын байгаль орчны газар болон ойн ангийн мэргэжилтнүүд хамрагдсан энэхүү сургалт нь Монгол Улсын ойн тогтвортой менежмент, “Тэрбум мод” үндэсний хөдөлгөөн, уур амьсгалын өөрчлөлт, нүүрстөрөгчийн зах зээлд оролцох суурийг тавих чухал алхам боллоо.
2025/08/04

ОЙН НҮҮРСТӨРӨГЧИЙН ТООЦООЛОЛ ХИЙХ, ОРОН НУТГИЙН МЭРГЭЖИЛТНҮҮДИЙГ ЧАДАВХЖУУЛАХ СУРГАЛТ ЗОХИОН БАЙГУУЛЛАА

АРХАНГАЙ АЙМАГТ ОЙН ХӨНӨӨЛТ ШАВЖИЙН ТЭМЦЛИЙН АЖИЛ ЗОХИОН БАЙГУУЛЛАА Архангай аймгийн Батцэнгэл, Өлзийт, Хайрхан, Жаргалант, Эрдэнэмандал, Хангай зэрэг сумдын ойн санд тархсан ойн хөнөөлт шавжтай сонгомол үйлчилгээт бактерын бэлдмэл ашиглан микробиологийн аргаар үүргийн шүршигч багаж ашиглан ойн хөнөөлт шавжийн тоо толгойг хязгаарлах, тэмцэх ажлыг зохион байгууллаа. Үүнд: 1. Батцэнгэл сум-1000га 2. Эрдэнэмандал сум-4000га 3. Жаргалант сум-2000га 4. Хайрхан сум-1000га 5. Өлзийт сум-500га 6. Хангай сум-500га талбайд тус тус тэмцлийн ажлыг зохион байгууллаа. Гүйцэтгэгч байгууллага: Номин хангайн төгөл ХХК
2025/08/04

АРХАНГАЙ АЙМАГТ ОЙН ХӨНӨӨЛТ ШАВЖИЙН ТЭМЦЛИЙН АЖИЛ ЗОХИОН БАЙГУУЛЛАА

САНАЛ ХҮСЭЛТ

ЦАХИМ ХОЛБООС

САЙТЫН ХАНДАЛТ

Хугацаа Хандалтын тоо
ӨНӨӨДӨР 246
ЭНЭ 7 ХОНОГ 0
ЭНЭ САР 11406
НИЙТ 587883

Холбоо барих

Хаяг:
Төрийн өмчийн II байр, Чингүнжавын гудамж, Баянгол дүүрэг, 2-р хороо

Холбоо барих:
Утасны дугаар: +976-77111180
Цахим шуудан: info@forest.gov.mn

What3Words хаяг

Засгийн газрын хэрэгжүүлэгч агентлаг Ойн газар. Бүх эрх хуулиар хамгаалагдсан. 2025 он.